Нийтлэг зүйл

• Тэмцээний зорилго нь 2019 оны өсвөр үеийн улсын аваргыг тодруулахад оршино.
• Монголын даамын холбоо, “Гацуурт” ХХК хамтран тэмцээнийг зохион байгуулна.
• Тэмцээн 2019 оны 4 дүгээр сарын 6-9-ний өдрүүдэд Баянгол дүүргийн “Нарны хороолол”-ын Лаборатори 141-р сургууль дээр явагдана. Тус хороолол нь Нарны гүүр болон “Алтай” хотхоны зүүн талд байрладаг.

Тэмцээний журам

• Охид, хөвгүүдийн 5-7, 8-10, 11-13, 14-16 насны ангиллаар өрсөлдөнө. Насыг төрсөн оноор тооцно.
• Тэмцээн 100 буудалт даамын үндсэн, рапид, блиц, 64 буудалт, турк даамын төрлүүдээр зохиогдоно. 64 буудалт даам нь орос дүрмээр тоглоно.
• Урьдчилсан шатнаас буюу аймагт эхний 3, дүүрэгт эхний 5 байр эзэлсэн тамирчид тус тэмцээнд оролцох эрхтэй. Эрх авсан тамирчид дээрх 5 төрөлд, эрх аваагүй нь 64 буудалт, турк даамын төрлүүдэд оролцох боломжтой.
• Тэмцээн швейцарь системийн FMJD on Solkoff оноолтын дагуу явагдана. Оноо тэнцсэн тохиолдолд Median Solkoff, Reduced Solkoff коэффициентийг дарааллын дагуу харгалзан үзнэ.
• Үндсэн тэмцээнд 9, бусад тэмцээнд 7 өрөг тоглоно.
• Үндсэн тэмцээний цагийн хяналт 5-7 насны ангилалд 40 минут, 8-10 насны ангилалд 1 цаг, 11-13, 14-16 насны ангилалд 2 цаг байна.

• Рапид: 12 мин + 3 сек
• Блиц: 5 мин + 2 сек
• 64 буудалт даам: 12 мин + 3 сек
• Турк даам: 12 мин + 3 сек

• Тэмцээн эхлэх өдрийн 9.30 цагт бүх оролцогчид бэлэн байх хэрэгтэй. Тоглолт шууд эхлэх тул нэрсээ тулгаж, оноолтын дагуу сууна. Бусад өдрүүдэд тэмцээн өглөө 9.00 цагаас эхэлнэ.
• Аливаа гомдол, саналыг зөвхөн бичгээр хүлээж авна.

Бүртгэл, мандат олгох

• Аймаг, дүүргээс ирүүлсэн мэдүүлгийн дагуу 100 буудалт даамын үндсэн, рапид, блиц төрөлд оролцох тамирчдын нэрсийг гаргана. Урьдчилсан тэмцээнээс эрх авч чадаагүй тамирчдын хувьд 64 буудалт, турк даамын төрлүүдэд оролцох нь нээлттэй.
• Тэмцээний хураамж төлж, мандат авснаар бүртгэл баталгаажна.
• Баруун дөрвөн замын “Бүрд” төвийн (Гранд Плаза-ийн зүүн талд) 3 давхарт байрлах Монголын даамын холбооны байранд 3-р сарын 27, 28-ны  10.00-19.00 цагийн хооронд нийслэл хотоос оролцох тамирчдын мандатыг, 4-р сарын 1, 2, 3-ны 10.00-19.00 цагийн хооронд хөдөө орон нутгийн тамирчдын мандатыг олгоно. Бүх оролцогчид дээрх өдрүүдэд хураамжийн мөнгийг бэлнээр төлж, бүртгэлээ баталгаажуулах ёстой. Бүртгүүлэхээр ирэхдээ биеийн байцаалт (гэрчилгээ, эсвэл эрүүл мэндийн дэвтэр)-ыг авчирна. Тэмцээн эхлэх өдрийн өглөө, тэмцээний дундуур бүртгэл, мандат олгох үйл ажиллагаа явагдахгүй.      
• Тэмцээний хураамж үндсэн төрөл 10.000 ₮, бусад төрөл 5000 ₮ байна.

Шагнал урамшуулал

• Ангилал тус бүрийн 1-3 байрт шалгарагсдад медаль, өргөмжлөл, мөнгөн шагнал, үндсэн тэмцээний 4-6 байрт шалгарагсдад өргөмжлөл, мөнгөн шагнал, 7-10 байрт шалгарагсдад өргөмжлөл олгоно.
• Эхний 10 байрт шалгарсан тамирчид Ази тивийн АШТ-д оролцох эрхийг авахаас гадна өсвөрийн ДАШТ-ий сорилго тэмцээнд оролцох эрхийг авна.
• Спортын цол, зэрэг олгоно.

	5-7 нас	8-10 нас	11-13 нас	14-16 нас
III зэрэг	10-12 оноо	9-11 оноо	7-10 оноо	6-7 оноо
II зэрэг	13-аас дээш оноо	12-15 оноо	11-13 оноо	8-10 оноо
I зэрэг	Медаль авбал	16-аас дээш оноо	14-өөс дээш оноо	11-ээс дээш оноо
Дэд мастерын 1балл	–	–	Түрүүлбэл	Хүрэл медаль авбал
Дэд мастерын 2 балл	–	–	–	Мөнгөн медаль авбал
Дэд мастер цол	–	–	–	Түрүүлбэл

МОНГОЛЫН ДААМЫН ХОЛБОО