2023 оны Оюутны улсын аварга шалгаруулах 100 буудалт даамын тэмцээний удирдамж

760

Нэг. Нийтлэг зүйл

– Тэмцээний зорилго нь зуун буудалт даамыг сурталчлан хөгжүүлэх, 2023 оны оюутны улсын аварга даамчныг шалгаруулахад оршино.
– Тус тэмцээнийг Нийслэлийн даамын холбоо, Монголын даамын холбоо, “Мандах” их сургууль хамтран зохион байгуулна.

Хоёр. Насны ангилал

– Тэмцээн “А”, “В” ангилалд, эрэгтэй, эмэгтэй төрлөөр зохиогдоно. Их, дээд сургуульд бакалавр болон магистраар суралцаж буй, 27 болон түүнээс доош насны оюутнууд оролцоно.  

Тэмцээний “А” ангилалд I зэрэг болон түүнээс дээш цолтой тамирчид, “В” ангилалд II, III зэрэгтэй болон зэрэггүй тамирчид оролцоно. 

Гурав. Хугацаа, зохиогдох газар, бүртгэл

– Тэмцээн 2023 оны 9-р сарын 23-24-ний өдрүүдэд “Мандах” их сургуулийн Номын санд явагдана. 
– Оролцох тамирчдыг 9 дүгээр сарын 4-20-ны хооронд зөвхөн цахимаар бүртгэнэ. Бүртгэл 9 дүгээр сарын 20-ны 20:00 цагт автоматаар хаагдана. Бүртгүүлэхдээ овог, нэр, регистер, цол зэрэг, утасны дугаар, сургуулийн тодорхойлолт юм уу оюутны үнэмлэх, дансанд хураамжийн мөнгө тушаасан баримтыг хавсаргана.

– Бүртгүүлэх Google Form холбоос https://docs.google.com/forms/d/e/1FAIpQLSeYCLRbKP3i1hT7r_T8RrEVUFVRuiywnCsU3SCjLFzxKsa3Mw/viewform?usp=sharing  

– Тэмцээний хураамж 25.000 ₮. Хураамжийг Хаан банкны 5619 1128 00 (Хүлээн авагч: Амарсайхан Нандинцэцэг) тоот дансаар хүлээж авна.

– Бүртгүүлсэн тамирчид 2022 оны 9 дүгээр сарын 23-ны бямба гаригийн өглөө 9:00 цагт тэмцээний байранд бэлэн байна уу.

Дөрөв. Тэмцээний журам

– Оролцогчдын тооноос шалтгаалан тэмцээн явуулах системийг сонгоно.

– Цагийн хяналт нэг талдаа 50 мин + бонус 10 сек байна.

Тав. Шагнал урамшуулал

– “А”, “В” ангилалд эрэгтэй, эмэгтэй төрөл тус бүрт эхний 3 байр эзэлсэн тамирчдад медаль, өргөмжлөл, мөнгөн шагнал олгоно.
– Монгол Улсын “Спортын төрөл, цол зэргийн нэгдсэн ангилал”-ын дагуу спортын цол, зэрэг олгоно.

Утас: 8560-3413