Даамын эмэгтэйчүүдийн дэлхийн аварга шалгаруулах шигшээ тэмцээн Тринидад ба Тобаго улсад эхэллээ. 11 орны 18 тамирчин ухаанаа уралдуулж буй тус тэмцээнд манай улсаас 2024 оны Ази тивийн АШТ-ий алтан медальт ОУИМ Б.Мөнхжин, хүрэл медальт ДДХМ Б.Анужин, Дэлхийн цомын цувралуудаас цуглуулсан нийлбэр оноогоороо ДДХДМ Ц.Цацрал нар өрсөлдөж байна. Өчигдөр эхэлсэн нээлтийн тоглолтод Ц.Цацрал дэлхийн 5 удаагийн аварга Дарья Ткаченко (Нидерланд)-той, Б.Мөнхжин 2023 оны дэлхийн аварга Виктория Мотричко (Украин)-той, Б.Анужин 2019 оны дэлхийн залуучуудын аварга Марта Банковска (Польш)-тай тус тус тэнцжээ. Дэлгэрэнгүй дүнг https://results.fmjd.org/tournaments/2025/f_1384/index.html холбоосоор үзэж болно.