Украины нийслэл Киев хотноо нэрт дасгалжуулагч Владимир Давидович Вайсерын дурсгалд зориулсан зуун буудалт даамын тэмцээн боллоо. Гроссмейстер цолтой хоёр ч даамчин оролцсон тус тэмцээнд их мастер Ростислав Лещинский түрүүлж, Д.Шкатула, Ю.Бобков, Прокопенко, А.Иванов, В.Пикиняр нар удаалав. Зөвлөлт-Украины нэрт их мастер, 1977 оны Европын аварга Лещинский одоогоос 25 жилийн өмнө даамаа орхисон бөгөөд эргэн ирсэн анхны тэмцээндээ шууд л түрүүлж, ямархуу чансаатай тоглогч болохоо харууллаа. Манай даам сонирхогчид “Зуун буудалт даамын тактик ба стратеги”, “Зөвлөлтийн даамчдын Бамако дахь ялалт” хэмээх бичсэн номуудаар нь их мастер Р.Лещинскийтэй эчнээ танил билээ.
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2018/05/05131359/30705520_1008449285991153_87096440315104854_n-700x525.jpg)
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2018/05/05131357/30739344_1008442989325116_526659460928708891_n-700x444.jpg)
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2018/05/05131354/30713044_1008442069325208_4234679293381420235_n-700x478.jpg)