Дэлхийн даамын холбоо (FMJD)-ны шинэчилсэн чансаа долдугаар сарын 1-нд гарлаа. Шинэ чансаагаар 17373 ID-тай Цэрэнбямбын Отгонбилэг Олон улсын мастер, 20367 ID-тай Энхболдын Хүслэн Дэлхийн даамын холбооны мастер, 19229 ID-тай Сайхандэлгэрийн Мөнх-Оргил Дэлхийн даамын холбооны дэд мастер цолыг тус тус хүртжээ. Мөн Азийн АШТ-д амжилттай оролцсон, шинэхэн улсын аварга Баатархүүгийн Мөнхжинд Дэлхийн даамын холбооны мастер цол олгосон байна.
