Монголын даамын холбооноос 13 дахь удаагийн оюутны улсын аварга шалгаруулах тэмцээнээ 2020 оны есдүгээр сарын 25-27-ны өдрүүдэд зохион байгууллаа. “Монгол Коосэн” сургууль дээр болсон тус тэмцээнд эрэгтэй 15, эмэгтэй 17 тамирчин өрсөлдсөн юм.
Эмэгтэйчүүд швейцарь системээр 7 өрөг тоглосноос “Идэр” их сургуулийн оюутан ДДХМ Г.Хэрлэнмөрөн, “Ач” АУИС-ийн оюутан спортын мастер Б.Отгон-Эрдэнэ нар адилхан 12 оноотой гарч, коэффициентийн давуугаар Г.Хэрлэнмөрөн аваргын алтан медаль хүртлээ. Тэрбээр ийнхүү гурав дахь жилдээ дараалан улсын аварга боллоо. Хүрэл медалийн эзнээр 11 оноо авсан МУИС-ийн оюутан, спортын мастер С.Энхтүвшин тодорсон. Шагналт IV-V байрыг ШУТИС-ийн оюутан, дэд мастер Б.Билгүүндарь, дэд мастер Д.Алтанчимэг нар эзлэв.
Эрэгтэйчүүд мөн швейцарь системээр 7 өрөг тоглосноос СЭЗИС-ийн оюутан, спортын мастер Ц.Чинзориг 12 оноогоор өнгөлж, хоёр дахь түрүүгээ хүртсэн бол МҮИС-ийн оюутан ДДХДМ Б.Билгүүн 10, ШУТИС-ийн оюутан, спортын мастер Ц.Төмөрбаатар нар удаалав. Шагналт IV-V байранд ХНХДС-ийн оюутан, спортын мастер А.Түшигбаяр, ХААИС-ийн оюутан, спортын мастер Б.Уудамбаатар нар шалгарлаа.
Тэмцээнийг Э.Доржбал захиралтай барилга угсралтын “Гранд Авгуш” ХХК ивээн тэтгэсэн юм. Тэмцээний дэлгэрэнгүй дүнг дараах холбоосоор үзнэ үү.
Эрэгтэй – https://results.fmjd.org/…/tournament_table_acc_places…
Эмэгтэй – https://results.fmjd.org/…/tournament_table_acc_places…
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2020/09/18091044/120309359_1443037272533314_7625022545968601243_o-920x671-1-700x511.jpg)