Нидерландын “Үндэсний сонин”-д 42 жилийн турш даамын булан хөтөлсөөр ирсэн дэлхийн хошой аварга Тон Сейбрандс тоймчийн ажлаа өндөрлөхөөр шийдвэрлэжээ. Домогт их мастер хоёрдугаар сарын 24-ний бямба гаригийн дугаарт сүүлчийн нийтлэлээ гаргасан байна. Сүүлийн дугаартаа тэрбээр уншигчдадаа сайн сайхныг хүсээд 2009 онд Гарри Колктой хийсэн тоглолтоо товчхон тайлбарласан байна.
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2018/03/05130541/ton-sijbrands-1bfcb975-2a88-47af-98b3-c2789bcf966-resize-750.jpeg)
Өдгөө 68 настай Тон Сейбрандс анх 1976 оны гуравдугаар сарын 6-нд өдөр тутмын сонинд анхны тоймоо гаргаснаас хойш нийтдээ 2180 нийтлэл бичжээ. Хамгийн гайхалтай нь энэ 42 жилийн туршид тэрбээр нэг ч дугаар алгасалгүй, долоо хоног тутам тоймоо нийтлүүлж даамын спортыг сурталчилсан юм.
Экс-дэлхийн аварга одооноос эхлэн өөрийн намтар, даамын түүхэн замналаа өгүүлсэн 3 цуврал номоо гаргах тал дээр анхааран ажиллах гэнэ.