Нэг. Ерөнхий мэдээлэл

– Тэмцээний зорилго нь даамын спортыг сурталчлан хөгжүүлэх, 2025 оны оюутны улсын аварга даамчныг шалгаруулахад оршино.

– Тус тэмцээнийг Нийслэлийн даамын холбоо, Монголын даамын холбоо, Баянгол дүүргийн Биеийн тамир, спортын хороо хамтран зохион байгуулна.

Хоёр. Насны ангилал

– Тэмцээн “А”, “В” ангилалд, эрэгтэй, эмэгтэй төрлөөр зохиогдоно. Их, дээд сургуульд бакалавр болон магистраар суралцаж буй, 27 болон түүнээс доош насны оюутнууд оролцоно.

– Тэмцээний “А” ангилалд I зэрэг болон түүнээс дээш цолтой тамирчид, “В” ангилалд II, III зэрэгтэй болон зэрэггүй тамирчид оролцоно.

Гурав. Хугацаа, зохиогдох газар, бүртгэл

– Тэмцээн 2025 оны 9-р сарын 13-14-ний өдрүүдэд Баянгол дүүргийн Биеийн тамир, спортын хорооны 407 тоот танхимд болно.

– Бүртгэлийг 9 дүгээр сарын 1-12-ны өдрүүдэд зөвхөн цахимаар бүртгэнэ. Google Form холбоосыг бүрэн, зөв бөглөж, сургуулийн тодорхойлолт юм уу оюутны үнэмлэх, дансанд хураамжийн мөнгө тушаасан баримтыг хавсаргаснаар бүртгэл хүчинтэйд тооцогдоно. Бүртгэл 9 дүгээр сарын 12-ны 14:00 цагаар тасалбар болно.

– Тэмцээний хураамж 30.000 ₮. Гүйлгээний утга дээр овог нэр, холбоо барих утасны дугаарыг бичнэ. Төлбөр тушаах дансыг бүртгэлийн линкнээс үзнэ үү.

– Бүртгүүлэх Google Form холбоос https://forms.gle/xeb2LLiB3YRnoS2A6

– Бүртгүүлсэн тамирчид 2025 оны 9 дүгээр сарын 13-ны бямба гаригийн 10:00 цагт тэмцээний байранд бэлэн байна уу.

Дөрөв. Тэмцээний журам

– Оролцогчдын тооноос шалтгаалан тэмцээн явуулах систем, өргийн тоог сонгоно.

– Цагийн хяналт нэг талдаа 50 мин + бонус 10 сек байна

Тав. Шагнал урамшуулал

– “А”, “В” ангилалд эрэгтэй, эмэгтэй төрөл тус бүрт эхний 3 байр эзэлсэн тамирчдад медаль, өргөмжлөл, мөнгөн шагнал олгоно.

– Монгол Улсын “Спортын төрөл, цол зэргийн нэгдсэн ангилал”-ын дагуу спортын цол, зэрэг олгоно.

Утас: 9990-6402