Дархан-Уул аймаг дахь Гаалийн газрын 55 жилийн нэрэмжит аймгийн насанд хүрэгчдийн аварга шалгаруулах зуун буудалт даамын тэмцээн өнгөрсөн амралтын өдрүүдэд боллоо. Энэхүү нээлттэй тэмцээнд Улаанбаатар, Дархан-Уул, Орхон, Булган аймгийн 40 гаруй даамчин оюун ухаанаа уралдуулсан юм. Швейцарь системээр найман өрөг тоглож дүнгээ гаргахад СЭЗДС-ийн оюутан, дэд мастер Д.Дөлгөөн боломжит 16 онооноос 15-ыг авсан амжилтаар тэргүүлж, аймгийн аварга даамчнаар тодорлоо. Удаах байруудыг ОУИМ Р.Манлай 14, спортын мастер Я.Намхай, Н.Бат-Ирээдүй, Б.Сүхбат нар 11 оноогоор эзэлсэн байна. Эмэгтэйчүүдээс спортын мастер Ч.Марал-Эрдэнэ 10 оноогоор тэргүүлж, ДМ Б.Мөнхцэцэг, Н.Батцэцэг 10, I зэргийн тамирчин Ч.Орхончимэг 9, Т.Номинжин 8 оноогоор шагналт байранд шалгарав. Тэмцээний тусгай шагналыг өсвөрийн тамирчин Г.Хулан, С.Оргил, Б.Ууганбаяр нарт олгосон. Тэмцээнийг зургаа дахь жилдээ ивээн тэтгэсэн Дархан-Уул аймгийн Гаалийн газрын ахлах мэргэжилтэн Л.Амгаланг Засгийн газрын хэрэгжүүлэгч агентлаг Биеийн тамир, спортын гакрын “Алтан од” одонгоор шагнасан юм.
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2018/05/05143126/32970634_2000469080270568_4194435486128799744_n-700x438.jpg)
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2018/05/05143124/20180519_181652-700x394.jpg)
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2018/05/05143121/32926281_2000496513601158_4657092580184424448_n-700x459.jpg)
![](https://koo-bucket-2022.s3.ap-southeast-1.amazonaws.com/wp-content/uploads/sites/2/2018/05/05143119/20180519_120553-700x394.jpg)